Just In

6/trending/recent

Ads Area

KGF 2: కేజీఎఫ్‌కు బిగ్ షాక్.. తెరపైకి వచ్చిన రియల్ రాఖీ భాయ్

1997లో పోలీసుల ఎన్‌కౌంటర్‌లో రియల్ రాఖీ భాయ్ థంగం మృతి చెందాడు. ఇప్పుడు అతడి కథనే ‘కేజీయఫ్’ సినిమాలో చూపించారంటూ థంగం ఫ్యామిలీ ఆరోపిస్తోంది.

KGF 2: కేజీఎఫ్‌కు బిగ్ షాక్.. తెరపైకి వచ్చిన రియల్ రాఖీ భాయ్

ప్రస్తుతం కేజీఎఫ్(KGF) హవా నడుస్తోంది. పోయిన గురువారం రిలీజ్ అయిన కెజిఎఫ్ వారం రోజుల్లోనే కలెక్షన్ల కింగ్‌గా మారింది. వారం రోజుల్లోనే 250 కోట్ల కలెక్షన్లు దాటి బాలీవుడ్ లో సరికొత్త రికార్డ్ సెట్ చేసింది. కన్నడ దర్శకుడు ప్రశాంత్ నీల్(Prashanth Neel) తెరకెక్కించిన ‘కేజీయఫ్’ (KGF) చిత్రం ఎలాంటి రికార్డులను క్రియేట్ చేసిందో మనందరికీ తెలిసిందే. ఈ సినిమాతో కన్నడ హీరో యశ్ ఒక్కసారిగా పాన్ ఇండియా స్టార్‌గా ఎదిగిపోయాడు. రెండు చాఫ్టర్లతో ఈ సినిమా బాక్సాఫీస్ వద్ద సెన్సేషన్ క్రియేట్ చేస్తూ దూసుకుపోతుంది. ఇప్పటికే ఈ సినిమా ప్రపంచవ్యాప్తంగా కళ్లుచెదిరే వసూళ్లు రాబడుతూ బ్లాక్‌బస్టర్ హిట్‌గా నిలిచింది.

అయితే తాజాగా ఈ సినిమా యూనిట్‌కు షాక్ తగిలింది. ఇది తమ జీవితంలో జరిగిన యదార్థ ఘటన అంటూ... రియల్ రాఖీ భాయ్(Real Rocky Bhai) ఫ్యామిలీ తెరపైకి వచ్చింది. కేజీయఫ్‌లో రాఖీ భాయ్ అనే పాత్ర నిజజీవితంలో నుండి తీసుకున్నదే అని గతంలో దర్శకుడు ప్రశాంత్ నీల్ కూడా చెప్పిన విషయం తెలిసిందే. కర్ణాటకకు చెందిన థంగం అనే వ్యక్తి కోలార్ గోల్డ్(Colar gold mines) గనుల్లో పనిచేస్తూ.. అక్కడ ఓ గ్యాంగ్‌ను క్రియేట్ చేసుకున్నాడు. తన గ్యాంగ్ సహాయంతో కోలార్ గనుల్లో బంగారాన్ని కొల్లగొడుతూ జూనియర్ వీరప్పన్‌గా పేరు తెచ్చుకున్నాడు. ఇక తాను కొల్లగొట్టిన గోల్డ్‌ను ప్రజలకు కూడా పంచిపెట్టేవాడు.

1997లో పోలీసుల ఎన్‌కౌంటర్‌లో(Encounter) థంగం మృతి చెందాడు. ఇప్పుడు అతడి కథనే ‘కేజీయఫ్’ సినిమాలో చూపించారంటూ థంగం తల్లి పాలీ ఆరోపిస్తుంది. తమను సంప్రదించకుండానే, తన కొడుకు కథను ఎలా సినిమా తీస్తారని.. తాను చట్టపరంగా ముందుకు వెళ్తానంటూ కేజీయఫ్(KGF) చిత్ర టీమ్‌కు షాకిచ్చింది రియల్ రాఖీ భాయ్ తల్లి. దీంతో కేజీయఫ్ చిత్ర యూనిట్‌కు ఇప్పుడు కొత్త తలనొప్పి వచ్చి పడింది.

మరోవైసు కెజిఎఫ్ ..2 ఏమాత్రం తగ్గకుండా కలెక్షన్లు కంటిన్యూ చేస్తోంది. ఇప్పుడు కేజీఎఫ్ కలెక్షన్లకు బ్రేకులు వేసే సినిమాలు కూడా ఏం లేవు. ఒక వేళ జెర్సీ మూవీ బాలీవుడ్ లో రిలీజ్ అయినా కూడా కెజిఎఫ్ క్రేజ్ ని దాటడం కష్టమే అంటున్నారు సినీ పరిశీలకులు. ఈ వారం ఎలాగూ కెజిఎఫ్ ని ఢీ కొట్టే సినిమాలు ఇటు సౌత్ లో కూడా ఏం లేవు. సో ..కెజిఎఫ్ కలెక్షన్ల కుమ్ముడు ఇంకో వారం రోజుల పాటు ఇలాగే కంటిన్యూ అవుతుందని అంచన వేస్తున్నారు సినీ వర్గాలు.

Post a Comment

0 Comments

Top Post Ad

Below Post Ad