Jobs in Andhra Pradesh: విశాఖప‌ట్నంలో కాంట్రాక్టు జాబ్స్‌.. వేత‌నం నెల‌కు రూ. 18,500.. అర్హ‌త‌లు అప్లికేష‌న్ ప్రాసెస్‌

Jobs in Andhra Pradesh: విశాఖప‌ట్నంలో కాంట్రాక్టు జాబ్స్‌.. వేత‌నం నెల‌కు రూ. 18,500.. అర్హ‌త‌లు అప్లికేష‌న్ ప్రాసెస్‌

ఆంధ్ర‌ప్ర‌దేశ్ (Andhra Pradesh) ప్ర‌భుత్వానికి చెందిన ఏపీ వైద్య విధాన ప‌రిష‌త్ విశాఖపట్నం జిల్లాలోని వివిధ ఆస్ప‌త్రుల్లో కాంట్రాక్టు, ఔట్‌సోర్సింగ్ ప్రాతిప‌దిక‌న ప‌లు పోస్టుల‌ను భ‌ర్తీ చేయ‌నున్నారు. ఈ నోటిఫికేష‌న్ (Notification) ద్వారా ప‌ది విభాగాల్లో క‌లిపి 25 ఖాళీల‌ను భ‌ర్తీ చేస్తారు. ద‌ర‌ఖాస్తు చేసుకొనే అభ్య‌ర్థుల వ‌య‌సు 18 ఏళ్ల నుంచి 42 ఏళ్ల మ‌ధ్య ఉండాలి. ద‌ర‌ఖాస్తు ప్ర‌క్రియ పూర్తిగా ఆఫ్‌లైన్ ప‌ద్ధ‌తిలో ఉంటుంది. ఎంపికైన అభ్య‌ర్థుల‌కు పోస్టుల‌ను అనుస‌రించి వేత‌నం అందిస్తారు. నోటిఫికేష‌న్‌, ద‌ర‌ఖాస్తు స‌మాచారం తెలుసుకోవ‌డానికి అధికారిక వెబ్‌సైట్  https://visakhapatnam.ap.gov.in/ ను సంద‌ర్శించాల్సి ఉంటుంది. ద‌ర‌ఖాస్తులు అంద‌జేయ‌డానికి ఏప్రిల్ 18, 2022 వ‌ర‌కు అవ‌కాశం ఉంది.

పోస్టుల వివరాలు..

పోస్టు	ఖాళీలు	వేతనం
ఆడియోమెట్రిషియ‌న్‌	01	రూ. 18,500
రేడియోగ్రాఫ‌ర్‌లు	01	రూ. 21,500
థియేట‌ర్ అసిస్టెంట్‌	03	రూ. 15,000
పోస్టుమార్టం అసిస్టెంట్‌	03	రూ. 15,000
ల్యాబ్ టెక్నిషియ‌న్‌	01	రూ.28,000
ల్యాబ్ అటెండెంట్లు	06	రూ.15,000
కౌన్సెల‌ర్‌లు	01	రూ. 21,500
బ‌యోమెడిక‌ల్ ఇంజినీర్‌లు	02	రూ.52,000
జ‌న‌రల్ డ్యూటీ అటెండెంట్లు	01	రూ.15,000
ప్లంబ‌ర్‌	03	రూ. 18,500
ఎల‌క్ట్రిషియ‌న్‌	02	రూ. 18,500
ఆడియోమెట్రిషియ‌న్‌	01	రూ. 18,500

అర్హతలు..

సంబంధిత విభాగాకు సంబంధించిన‌ పోస్టుల్ని అనుసరించి పదోతరగతి, ఐటీఐ, ఇంట‌ర్మీడియ‌ట్, డిప్ల‌మా, బీఎస్సీ, బీఏ, బీటెక్ ఉత్తీర్ణ‌త సాధించి ఉండాలి. ఏపీ పారామెడిక‌ల్‌లో రిజిస్ట‌ర్ అయి ఉండాలి.

ఎంపిక విధానం..

- ముందుగా అభ్య‌ర్థుల నుంచి ద‌ర‌ఖాస్తులు స్వీక‌రిస్తారు.

- అనంత‌రం రిజ‌ర్వేష‌న్‌, మెరిట్ మార్కుల ఆధారంగా అభ్య‌ర్థుల‌ను షార్ట్ లిస్ట్ చేస్తారు.

- ఎంపికైన వారిని కాంట్రాక్ట్ ఆధారంగా పోస్టింగ్ ఇస్తారు.

ద‌ర‌ఖాస్తు విధానం..

Step 1 - ద‌ర‌ఖాస్తు ప్ర‌క్రియ పూర్తిగా ఆఫ్‌లైన్ ప‌ద్ధతిలో ఉంటుంది.

Step 2 - ముందుగా అధికారిక వెబ్‌సైట్  https://visakhapatnam.ap.gov.in/  ను సంద‌ర్శించాలి.

Step3 - నోటిఫికేష‌న్‌ను డౌన్‌లోడ్ చేసుకొని చ‌ద‌వాలి.

Step 4 - అనంత‌రం నోటిఫికేష‌న్ చివ‌ర‌న ఉన్న ద‌ర‌ఖాస్తు ఫాంను డౌన్‌లోడ్ చేసుకొవాలి.

Step 5 - ద‌ర‌ఖాస్తుకు అవ‌స‌ర‌మైన డాక్యుమెంట్ల‌ను జ‌త‌చేసి ఫాం నింపాలి.

Step 6 - ఓసీ అభ్య‌ర్థులు రూ. 500, ఎస్సీ, ఎస్టీ, బీసీ అభ్య‌ర్థులు రూ. 300 ఫీజు చెల్లించాలి. పీడబ్ల్యూడీ వారికి ఫీజు చెల్లింపులో మిన‌హాయింపు ఉంది.

Step 7 - ద‌ర‌ఖాస్తు ఫాంల‌ను

డిస్ట్రిక్ట్ కో ఆర్డినేట‌ర్ ఆఫ్ హాస్ప‌ట‌ల్ స‌ర్వీస్

విశాఖపట్నం జిల్లా, ఏపీ

అడ్ర‌స్‌కు పంపాలి.

Step 8 - ద‌ర‌ఖాస్తుకు ఏప్రిల్ 18 , 2022 వ‌ర‌కు అవ‌కాశం ఉంది.