Earth day 2022: ప్రపంచ ధరిత్రి దినోత్సవం ప్రాముఖ్యత, చరిత్ర ఏంటో తెలుసా?

 Earth day 2022: మనం చేసే కాలుష్యం గ్లోబల్ వార్మింగ్ కు కారణమవుతోంది. సమస్త భూగోళం వినాశనం దిశగా అడిగులేస్తోంది. సమస్త జీవకోటి దీనిపై ఆధారపడి బతుకుతోంది. 

Earth day 2022: ప్రపంచ ధరిత్రి దినోత్సవం ప్రాముఖ్యత, చరిత్ర ఏంటో తెలుసా?

Earth day 2022:  మనం చేసే కాలుష్యం గ్లోబల్ వార్మింగ్ (Global warming) కు కారణమవుతోంది. సమస్త భూగోళం వినాశనం దిశగా అడిగులేస్తోంది. సమస్త జీవకోటి దీనిపై ఆధారపడి బతుకుతోంది. ఈ నేపథ్యంలో దీన్ని రక్షించుకోవడానికి ప్రతి సంవత్సరం ధరిత్రి దినోత్సవాన్ని (Earth day 2022) నిర్వహిస్తున్నారు. మన భూ గ్రహం చుట్టూ ఉన్న పర్యావరణ సమస్యలపై నియంత్రించి, పర్యావరణాన్ని రక్షించడానికి చర్యలు తీసుకోవడానికి అంతర్జాతీయ మదర్ ఎర్త్ డే జరుపుకుంటారు

ప్రతి ఏడాది ఏప్రిల్ 22ని అంతర్జాతీయ మదర్ ఎర్త్ డేగా జరుపుకుంటారు. పర్యావరణానికి ప్రత్యక్షంగా లేదా పరోక్షంగా హాని కలిగించే, గ్రహం నాశనానికి దారితీసే కాలుష్యం, ఇతర కార్యకలాపాల గురించి అవగాహన కల్పించడానికి ఈ రోజును పాటిస్తారు. కాలుష్యం వంటి అనేక సవాళ్ల తర్వాత ఈ రోజు గురించిన ఆలోచన ఉనికిలోకి వచ్చింది. పర్యావరణ నష్టానికి పొగమంచు ప్రధాన కారణంగా మారింది. 1970లలో సెనేటర్ గేలార్డ్ నెల్సన్ ద్వారా ఎర్త్ డేస్ స్థాపించారు. పర్యావరణ శాస్త్రాన్ని ప్రోత్సహించడానికి, భూమి చుట్టూ ఉన్న ఆందోళనల గురించి అవగాహన కల్పించడానికి ఈరోజును పాటిస్తారు.

అంతర్జాతీయ మదర్ ఎర్త్ డే: చరిత్ర

సెనేటర్ గేలార్డ్ నెల్సన్ ఈ భూగ్రహం క్షీణిస్తున్న పరిస్థితుల గురించి ఆందోళన చెందాడు. అందువల్ల అతను విద్యార్థి, యుద్ధ వ్యతిరేక నిరసన శక్తిని గాలి ,నీటి కాలుష్యానికి సంబంధించి అభివృద్ధి చెందుతున్న ప్రజా స్పృహతో కలపాలని నిర్ణయించుకున్నాడు. సెనేటర్ గేలార్డ్ నెల్సన్ కాలిఫోర్నియాలోని శాంటా బార్బరాలో భారీ చమురు చిందటం భయానకతను చూసిన తర్వాత, ప్రపంచంలోని ఇతర ప్రాంతాల మాదిరిగానే అతను ఎర్త్ డేని రూపొందించడం గురించి ఆలోచించాడు. తొలి ఎర్త్‌డే (1970) రోజు అమెరికా వీధుల్లో వేలాది మంది పారిశామ్రిక విప్లవానికి వ్యతిరేకంగా నినాదాలు చేశారు.

అంతర్జాతీయ మదర్ ఎర్త్ డే: ప్రాముఖ్యత

మన గ్రహం చుట్టూ ఉన్న పర్యావరణ సమస్యలపై వెలుగులు నింపడానికి, పర్యావరణాన్ని రక్షించడానికి చర్యలు తీసుకోవడానికి ఈ రోజు జరుపుకుంటారు.

అంతర్జాతీయ మదర్ ఎర్త్ డే: థీమ్

ఈ సంవత్సరం అంతర్జాతీయ మదర్ ఎర్త్ డే యొక్క థీమ్ - ‘Invest in our Planet' సమయం తక్కువగా ఉన్నందుకు ప్రజలు ఏకతాటిపైకి వచ్చి జీవవైవిధ్యం ,గ్రహాన్ని రక్షించడానికి చర్యలు తీసుకోవడం ప్రారంభించాల్సిన అవసరాన్ని థీమ్ హైలైట్ చేస్తుంది. శీతోష్ణస్థితి మార్పు ఇకపై భవిష్యత్తులో సుదూర విషయం కాదు. వరదలు, అగ్నిప్రమాదాల సంఘటనలు పెరుగుతున్నందుకు పరిస్థితిని సమీక్షించడం, తదనుగుణంగా వ్యవహరించడం చాలా ముఖ్యం.

(Disclaimer: The information and information given in this article is based on general assumptions. newStone India Telugu does not confirm the same. Please contact the relevant expert before implementing them)