Vastu Tips: ఆనందం సానుకూలత, సంపద కోసం ఇంట్లో రాగి సూర్యుడిని ఏ దిశలో పెట్టుకోవాలంటే..

వాస్తు ప్రకారం ఇంటి అలంకరణలో కొన్ని ప్రత్యేక చిత్రాలు, పువ్వులు, రంగుల పట్ల ప్రత్యేక శ్రద్ధ తీసుకోవడం ద్వారా ఇంటి అందంతో పాటు, ఆనందం, అదృష్టాన్ని కూడా పెంచుకోవచ్చు. అదేవిధంగా కొన్ని రకాల విగ్రహాలను ఏర్పాటు చేసుకోవడం వలన దేవుడి ఆశీర్వాదం లభించి..సుఖ సంతోషాలు కలుగుతాయని విశ్వాసం. ముఖ్యంగా ఇంట్లో రాగితో చేసిన సూర్యుడిని ప్రతిష్టించడం చాలా శుభప్రదంగా పరిగణించబడుతుంది. ఇది ప్రతికూల శక్తులను తొలగిస్తుందని, అదృష్టం సూర్యుడిలా ప్రకాశిస్తుంది అని నమ్మకం. జీవితంలో సిరి సంపదలకు కొరత ఉండదని.. అభివృద్ధి మార్గంలో సాగుతూనే ఉంటుందని విశ్వరం. అయితే ఇంట్లో రాగి సూర్యుడిని ప్రతిష్టించే ముందు.. వాస్తు గురించి కొన్ని విషయాలు తెలుసుకోవాలి. సానుకూలత కోసం ఇంట్లో రాగితో చేసిన సూర్యను ఎక్కడ ఏ దిశలో ఏర్పాటు చేసుకోవాలో తెలుసుకుందాం?

• వాస్తు ప్రకారం ఆఫీసులో రాగి సూర్యుడిని ఉంచడం వల్ల పని, వ్యాపారంలో అపారమైన విజయాలు లభిస్తాయి. సూర్య భగవానుడి ఆశీర్వాదం ఉంటుంది.ఆర్థిక స్థితిని బలపరుస్తుంది.
• రాగి సూర్యుడు ఇంటిలో సానుకూల శక్తిని పెంచుతుంది. ఇంట్లో ఆహ్లాదకరమైన వాతావరణం కలిగేలా చేస్తుంది. గృహ సమస్యల నుండి ఉపశమనాన్ని అందిస్తుంది.
• రాగి సూర్యుడిని ఇంట్లో పెట్టుకోవడం వలన సమాజంలో ఎంతో గౌరవం లభిస్తుందని, సుఖంగా జీవిస్తాడని నమ్మకం.
• వాస్తు నియమాలను దృష్టిలో ఉంచుకుని రాగితో చేసిన సూర్యుడిని ఇంట్లో ఉంచడం వల్ల వ్యక్తికి ఆకర్షణ పెరుగుతుందని.. సంబంధాలు మెరుగుపడతాయని నమ్ముతారు.

గమనిక: పైన పేర్కొన్న అంశాలను మత గ్రంథాల ఆధారంగా ప్రజల సాధారణ ఆసక్తులను దృష్టిలో ఉంచుకుని ఇవ్వడం జరిగింది. దీనిని టీవీ9 తెలుగు ధృవీకరించడం లేదు