10th, Inter Examinations: పదవ తరగతి, ఇంటర్ పరీక్షలపై వీడని సస్పెన్స్

10th, Inter Examinations: పదవ తరగతి, ఇంటర్ పరీక్షలపై వీడని సస్పెన్స్.

సస్పెన్స్ కు తెర ఇంకా పడలేదు...

ఆంధ్రప్రదేశ్ లో పదో తరగతి, ఇంటర్ పరీక్షలపై నిర్ణయం ఏదీ తీసుకోలేదని విద్యాశాఖ మంత్రి ఆదిమూలపు సురేష్ వెల్లడించారు. ఈ పరీక్షల తేదీలు గురువారం ఖరారవుతాయని ప్రచారం జరిగింది. ముఖ్యమంత్రి వద్ద విద్యా విషయాలపై చర్చ జరిగినా పరీక్షల తేదీలపై ఎలాంటి చర్చ జరగలేదని, ఎలాంటి నిర్ణయమూ తీసుకోలేదని మంత్రి విలేకరులకు వెల్లడించారు. సుప్రీంకోర్టు పరీక్షల విషయంలో ప్రభుత్వానికి నోటీసు ఇచ్చిన విషయం ఇంకా తన దృష్టికి రాలేదని, వస్తే సమాధానం పంపిస్తామని అన్నారు. పరీక్షల నిర్వహణ పై తొలి నుంచి ప్రభుత్వ వైఖరి ఒకటే అని చెప్పారు. విద్యార్థులు నష్టపోకుండా పరీక్షలు నిర్వహించాలనేదే తమ అభిప్రాయమని ఆదిమూలపు సురేష్ వెల్లడించారు.